Ubuntu Wiki

Cualesquier persona podrá optar a ser Ubuntu-ast Member oficial, que ye'l reconocimientu oficial d'Ubuntu-ast a collaboradores que destaquen na Comunidá d'Ubuntu-ast.

REQUISITOS

Pa resultar aprobada, una persona tien que contribuyir de forma visible a Ubuntu-ast n'eventos/actividaes, foros, IRC, torna... Tamién van apreciase y reconocese les contribuciones a la propia Ubuntu, magar que les más importantes seyan les qu'atañen a la propia Ubuntu-ast. Ye mui importante la interaición ya integración na comunidá, mediante la involucración y participación.

BENEFICIOS

• Reconocimientu oficial y públicamente como miembru importante d'Ubuntu-ast.
• Corréu @ubuntu-ast.org.
• Drechu a voz.
• Drechu a votar quién conformará anualmente l'Ubuntu-ast Council.
• Drechos d'alministrador en dalguna área concreta.

PROCEDIMIENTU

Contribuyir sostenida y significativamente. Si nun tas seguru de si les tos contribuciones son significatives, entruga a otros miembros d'Ubuntu-ast. Si bien nun existe periodu exautu, ye raro aceutar les solicitúes de collaboradores que lleven menos de 1 añu.

Cada persona que quiera ser Ubuntu-ast Member deberá esponer los sos méritos nuna asamblea online del Ubuntu-ast Council y recibirá una votación. Si la mayoría del Ubuntu-ast Council vota a favor, esa persona consideraráse Ubuntu-ast Member.

Pa presentate, tendrás de siguir estos pasos enantes del día de l'asamblea (si necesites ayuda, consulta con un miembru):

• Crear un usuariu en Launchpad.

• Firma el Códigu de Conducta en Launchpad.

• Crea una wiki personal (formato https://wiki.ubuntu.com/el_to_usuariu_en_launchpad), incluyendo los siguientes datos:

  • Un resume de la to contribución a Ubuntu-ast y/o Ubuntu.

  • Un enllaz al to perfil de Launchpad.

  • Una descripción completa de la to contribución a Ubuntu-ast y/o Ubuntu.
  • Los tos planes ya idegues pa Ubuntu-ast nel futuru cercanu y llonxanu.

• Amiesta'l to nome a la axenda de la prósima asamblea.

• Coneuta al entamu de la asamblea del Ubuntu-ast Council al chat del IRC.

La declaración d'un Ubuntu-ast Member nun caduca, pero podría llegar a perdese si nun s'acata el Códigu de Conducta.

CÓDIGU DE CONDUCTA

Tou Ubuntu-ast Member deberá caltener el Códigu de Conducta en tou momentu. Nun facelo repercutirá n'anulación de la so membresía.

TESTIMONIOS

Solicita a los miembros de la Comunidá Ubuntu-ast que conozas, qu'amuesen el so testimoniu de sofitu al final de la to wiki. Esto va ser mui importante na votación d'Ubuntu-ast Council, ya que reflexará meyor la to contribución.