AsturianTeam

Revision 25 as of 2009-04-16 21:00:34

Clear message

¡Bienveníu al LoCo Team Asturianu!

El LoCo Team (Equipu de Comunidá Llocal) Asturianu ye un garrapiellu de xente que voluntariamente enfotase en tornar, promover y/o sofitar l'usu d'Ubuntu nel ámbitu d'Asturies. La llingua oficial pa esti equipu ye l'Asturianu

Eventos

Eventos programaos --> Archive.

Oxetivos

  • Divulgar Ubuntu y el software llibre en toles estayes, sofitando a quien lu use.
  • Contribuyír pa la criación d'un sistema operativu qu'incluya la llingua asturiana, tornando Ubuntu al asturianu dende Launchpad.

¿Cómo divulgar y contribuyir?

  • Tornando
  • Criando documentación
  • Echando un gabitu nos foros/wiki/chat a la xente más nuevo
  • Recomendando ya instalando Ubuntu a los tos allegaos
  • Collaborando, recomendando o asistiendo a les Install Parties que se faigan cerca de ti.

  • Coordinándose col LoCo Team pa les xeres que quieras llevar a cabo, el trabayu n’andecha ye muncho meyor Wink ;)

  • Xubiendo los upstreams (les tornes de Launchpad al proyeutu orixinal). Por exemplu Firefox, OpenOffice, Gnome...

  • Faciendolo too ello n'asturianu, a ser posible Wink ;)

  • Echar un gabitu escribiendo una carta n’inglés puntualmente, tornar una web n'inglés que nun llegamos a entender, falando de nós, atopando fallos de torna y avisándonos, collaborando nel diseñu gráficu...

¡Animate! Tamos p'aniciate nos tos pasos, esclariandote les duldes Smile :) Too gabitu ye perimportante pa nós. Garrarás o daremoste la xera apropiada a los tos conocimientos. Hai decenes de pequeñes/grandes posibilidaes d'aidar Wink ;)

¿Por qué divulgar y contribuyir?

  • Pol manifiestu d'Ubuntu:
    • Cada usuariu/a debe tener llibertá pa baxar, executar, copiar, distribuir, estudiar, compartir, camudar y meyorar el software pa cualisquier propósitu, ensín pagar drechos de llicencia.
    • Cada usuariu/a debe poder usar el software na so llingua.
    • Cada usuariu/a debe tener toles oportunidaes pa usar el software, incluso con una discapacidá.
  • Algamar un sistema operativu n'asturianu, metiendo a la llingua asturianu nel sieglu XXI.

Proyeutos

Documentación

Recursos

CategoryLoCoTeams