Aquestas nòtas de publicacion recensan los problèmas coneguts amb Ubuntu 8.04 LTS e las versions 8.04 de Kubuntu e Xubuntu.

Configuracion minimala

La quantitat de memòria minimum necessària es de 384 Mo pel CD « desktop » e de 256 Mo pels autres metòdes d'installacion (notaz plan qu'una partida de la memòria del vòstre sistèma pòt èsser indisponibla per çò que es ja utilizada per la carta grafica).

Amb exactament la quantitat de memòria minimala, lo processus d'installacion serà mai long que normalament mas s'acabarà coma cal. Lo sistèma se comportarà normalament quand serà installat. Los sistèmas qu'an pauc de memòria pòdon ça que la utilizar lo CD « desktop » per l'installacion en passant per l'opcion « only-ubiquity » a l'aviada, çò qu'aviarà pas que l'installaire al luòc d'un environament de burèu complet.

Installacion

Compausants OpenOffice.org, basa de donadas, math e presa en carga de Java

* Per de rasons d'espaci disc, los compausants basa de donadas e math d'OpenOffice.org, e tanben l'integracion de Java son pas suls CD d'installacion. Per obtene la seria de burèu complèta OpenOffice.org après l'installacion, podètz seleccionar OpenOffice.org Database dins lo menut Aplicacions->Ajustar/Suprimir o installar lo meta-paquetatge 'openoffice.org' en utilizant lo gestionari de paquetatges.

Particions iSCSI

• Lo paquetatge open-iscsi es ara una opcion presa en carga per Ubuntu 8.04 LTS e las particions NAS iSCSI se pòdon configurar directament dempuèi l'installaire. Ça que la, pel moment, los sistèmas de fichièrs rasiga (/) e /boot debon èsser sus una particion locala e e /usr deu èsser sul meteis sistèma de fichièrs que la rasiga.

Mesa a jorn

Los utilizaires d'Ubuntu 7.10 o Ubuntu 6.06 LTS pòdon migrar cap a Ubuntu 8.04 amb un processus simple automatizat. Las instruccions complètas se pòdon legir sus http://www.ubuntu.com/getubuntu/upgrading [en anglés].

Métrica de la taula de mandadís

• ifupdown ajusta ara lo paramètre de metrica de mandadís per defaut, sus 100 pels interfaces qu'an pas aquesta opcion definida dins /etc/network/interfaces. Aquesta modificacion cambiarà pas res per la mager part dels utilizaires mas pòt afectar d'unes utilizaires qu'an de constrenchas ret complèxas. Se volètz tornar al paramètre per defaut precedent, « metric » definit a zerò, modificatz lo fichièr /etc/network/interfaces e definissètz explicitament l'opcion « metric » per vòstre interfaç, per exemple :

  iface eth0 inet static
          address 192.168.0.2
          network 192.168.0.0
          broadcast 192.168.0.255
          netmask 255.255.255.0
          gateway 192.168.0.1
          metric 0

Gestionari ret

• Jos Ubuntu 8.04, lo gestionari ret (network-manager) gerís pas que los interfaces marcats coma itinerantas. Totes los interfaces abans gerits pels gestionaris ret seràn doncas definits coma itinerants pendent la mesa a jorn. Tecnicament, suprimís de /etc/network/interfaces totas las directivas d'interfaces qu'utilizan lo metòde « dhcp » sins opcion e marcadas coma « auto ». Se volètz tornar a d'interfaces activats per ifupdown quand lo sistèma s'avia, los debètz tornar definir manualament dins /etc/network/interfaces o desactivar l'itinerança dins Sistèma -> Administracion -> Ret.

Montatge dels volumes NFS

• Per montar de sistèmas de fichièrs NFS, debètz ara installar lo paquetatge 'nfs-common'.

/bin/sh es ara dash

• Per melhorar las performanças globalas del sistèma, l'interpretaire de comandas d'Ubuntu 6.10 e seguentas es ara dash, al luòc de bash coma èra dins Ubuntu 6.06 LTS. Aquò pòt menar a de problèmas de compatibilitat amb los escriptes shell locals. Consultatz DashAsBinSh per mai d'entresenhas.

Modificacions de las etiquetas de disques UltraSPARC

• Los utilizaires que migran d'Ubuntu 6.06 LTS cap a Ubuntu 8.04 LTS sus Ultra Sparc deuràn tornar aviar manualament fdisk sus totes los disques. fdisk los avisarà se debètz metre a jorn l'etiqueta (label) de disc, bastarà de seguir las instruccions. Las installacions novèlas d'Ubuntu 8.04 utilizaràn automaticament lo format novèl d'etiqueta de disc.

Autras anomalias conegudas