MeadowMariTranslation

Тиде олык марий йылмыш Ubuntu-ым кусарыше-влаклан мӧнгӧ лаштык. Тиде лаштыкын тӱҥ амалже - кусарымашым пырля ыштымым вияҥдаш. Тиде лаштыкым олык марий кусарыше-влак да тугат курык марий кусарыше-влак пайдален кертыт. Мемнан тӱҥ цельже - сай кусарымашым ышташ.

Кузе ушныман

Тый кусарыме пашаш ушнет гын - Launchpad вот-сайтыште регистрацийым эрте да шке лаштыкыште шкен э-почто адресетым ончыкто.

Вара Олый Марий йылмыш кусарыше тӱшкаш пуро. Чыла кусарымашым тиде тӱшка вуйлата. Ме чылам марий йылмым палыше-влакым тиде тӱшкаш ӱжына.

Тӱшка дене тый тугат тиде почто рассылке ubuntu-l10n-mhr@lists.ubuntu.com гоч кылым кучен кертат (https://lists.ubuntu.com/mailman/listinfo/ubuntu-l10n-mhr тиде кылвер почеш возалтын кертат). Тиде рассылкыште кусарымаш нерген кеч-могай йодышым рашемден кертат. Серышым колташ ит вожылт.

Тӱҥ шотышто

Тӱҥжӧ - кусаре, руш мутым шагалрак кучылто. Руш мутым марий шомак дене алмашташ лиеш гын - марий мутым кучылтыман. Иктаж-могай шомакым монденат гын, марий онлайн мутер-влакыште кусарымашым кычал. Тый у мутым шонен луктынат гын - вес пайдаланыше-влак палнеже манын тиде у мутым эрыкан мутерыш пурто.


CategoryTranslations

MeadowMariTranslation (last edited 2011-10-09 12:00:31 by vasli-slavik)