Ubuntu Wiki

UbuntuOssetianTranslators > Разамынд

Ацы разамынды ис программæты ирон æвзагмæ тæлмац кæныны информаци. Йæ мидæг ис цы хъæуы æмæ цы нæ хъæуы тæлмац кæнын, цы сты бирæон формӕтӕ æмæ æндæртæ.

Тæлмац кæнын æрмæст æндæр æвзаджы ныхæстæн ирон ныхæстæ агурын нæу. Тынг ахсджиаг у цæмæй тæлмæцтæ уой иу стилы æмæ æнцон æмбарæн.

Домӕнтӕ

Тӕлмац кӕнын байдайынӕн ис цалдӕр домӕны. Мӕнӕ сты:

• Интернет. Хъуамӕ дын уа фадат интернетмӕ бахизын.

• E-mail. Електронон пост дӕ бахъӕудзӕн регистраци кӕнынӕн, дӕ ӕмбӕлттимӕ ныхас кӕнынӕн, ӕмӕ ӕнд. Хъуамӕ уа ахӕм пост, кӕцы ды арӕх бӕрӕг кӕныс.

• Ирон ӕвзаг. Ирон ӕвзаг хъуамӕ дзӕбӕх зонай.

• Англисаг ӕвзаг. Цы взагӕй хъӕуы тӕлмац кӕнын, уый гыццыл хъуамӕ зонай. Кӕд англисаг ӕвзаг ӕвзӕр зоныс, уӕд дӕ бон у ӕндӕр ӕвзагӕй тӕлмац кӕнын. Уый тыххӕй кӕс сӕрмагонд разамынд.

• Рӕстӕг. Рӕстӕг, тӕлмацкӕнынӕн.

• Клавиатурӕйы равӕрд. Ирон алфавиты дамгъӕтӕ фыссыны фадат.

  • Ныртӕккӕ, иуӕй-иу равӕрдты, Ӕ дамгъӕйы бӕсты вӕййы латинаг Æ. Ацы къорд домы кириллон Ӕ. Цӕмӕй сбӕрӕг кӕнай цы Ӕ фыссы дӕ равӕрд, уый тыххӕй ацы фарсӕй спайда кӕн.

Фæдзæхстытæ

Дæлдæр ис цалдæр фæдзæхсты,кæдон хъæуы æххæст кæнын цæмæй тæлмац хорз уа:

• Дæ хъус дар алы фæдзæхст æмæ уагæвæрдмæ, æмæ цæ æххæст кæн.
• Куыддæр исты ратæлмац кодтай, афтæ йæ бафæрс æмæ йæ бамбар, ис дзы рæдыдтытæ æмæ де взагыл раст хъуысы, æви нæ.
• Кæд дæ тæлмацгонд рæнхъ дæуæн нæ бæззы (кæнæ дæ мадæн/фыдæн), уæд раст нæу æмæ йæ ды хъуамæ фæивай.
• Кæд иу уа фадат, уæд иу зæгъ къорды æндæр уæнгæн, цæмæй дын дæ тæлмац абæрæг кæна.
• Тæлмацы иугъæдондзинад у тынг ахсджиаг. Алкуыдæр тæлмац кæн къорды куыд стут дзырд, афтæ, æмæ иу абар дæ тæлмац æндæр иронмæ тæлмацгæнджыты къордты тæлмæцтæм (GNOME, Debian...).
• Кæд къордмæ искæй исыс, уæд уал æй бафæдзæхс цæмæй разамынд бафæрса.

Терминологи

Терминологийы тыххӕй фӕдзӕхстытӕ:

• Пайда кæн дзырдуæттæй.

• Дæ хъус дар æууæнккаг терминты фарсмæ.

• Хайад райс техникон дзырдуат аразыны. Кӕд дын исты термин зын у ратӕлмац кӕнын, уӕд ӕй дӕ бон у ацы фарсы фехъусын кӕнын. Уый йеддӕмӕ ма-иу ӕркӕс тӕлмацкӕнинаг терминтӕм, ӕмӕ дӕм кӕд искӕцы термины тыххӕй исты хъуыдытӕ уа, уӕд-иу цӕ зӕгъ. Уымӕй ды тынг баххуыс кӕндзынӕ иннӕ тӕлмацгӕнджытӕн.

Бирæон формæтæ

Ирон æвзаджы ис дыууæ бирæон формæйы.

Формæ [0] - 1'æн. Формæ [1] - 0, 2, 3 æмæ стырдæр нымæцтæн.

Дӕнцӕг:

Уагæвæрдтæ

Менюйы фадат хъӕуы тӕлмац кӕнын инфинитивы.

Дӕнцӕг:

Инструкцитӕ ӕмӕ ахӕм фыстытӕ кӕм системӕ домы архайӕгӕй цыдӕр саразын хъӕуы тӕлмац кӕнын императивы.

Дӕнцӕг: